MIAMI, Merca- E mucha homber Cubano di 14 aña, di cual dokternan a saca un tumor facial benigno di 4.5 kg a fayece door di insuficiencia renal y pulmonar. Esaki a sosode algun dia despues di e operacion, segun medionan local a informa.
Emanuel Zayas, di Villa Clara, localidad den centro di Cuba, a wordo opera algo mas di un siman pasa den e hospital Holtz Children’s Hospital, cu ta e division pediatrico di e centro medico Jackson Memorial. Dokternan a logra saca e tumor despues di un intervenciion di 12 hora. E tumor tabata tin e tamaño di un bala di basketball.
A pesar di e exito di cirugia, e menor a fayece diabierna ultimo, segun e corant El Nuevo Herald.
Famianan a bay di acuerdo pa e organonan di e mucha wordo duna den donacion pa investigacionnan, cu e “speransa di siña mas di e malesa straño aki y yuda personanan rond mundo cu ta sufri di esaki”.
E menor Cubano a yega Miami pa intervencion hunto cu su mayornan Noel Zayas y Melvis Vizaino, danki na un visa humanitario y nan a logra reuni e placa pa e operacion danki na varios benefactor cu a uni pa yuda den e campaña di recaudacion via internet.
Fuente: https://www.infobae.com