Menor cu a venena familiar a presenta den Corte

0

Diabierna mainta, a presenta dilanti di hues e E.T.S., kende ta wordo acusa di asesinato di un persona riba 22 di November 2016, door di, intencionalmente y cu premeditacion y calmo, a pone garnachinan di veneno di djaca conteniendo Brodifacoum, o sea un sustancia venenoso, den un paki di juice di apelsina, despues di cual e persona a bebe un of mas glas y a consecuencia di cual el a fayece.
CASO
Tabata dia 22 di November 2016, cu un famia a bay cumpra un orange juice pa nan bebe na cas. Tur e 5 personanan na e cas tanto hende homber y muhe a bebe for di e juice aki, y nan curpa a cuminsa reacciona malo y cuminsa saca, bira basta malo te asta perde rosea. A core bay Centro Medico, ya cu tur pasobra tur 5 persona a bira malo pareu. Nan a informa e dokter kico a pasa ora cu nan a bebe e orange juice nan lo a haya un pildo na ultimo cu ta parecibo na veneno di djaka. Polis a keda notifica di biaha y asta recherche di San Nicolas a presenta na e sitio. Polis na prome instante a trece algun persona cu tabata critico. Na final ambulance a logra trece dos, cual un di nan tabata critico. Departamento forensico di Cuerpo Policial tambe a presenta y a tuma e juice den beslag pa investigacion pa loke ta e likido aden pa saca afo si por ta trata algo asina di veneno di djaka.
Prensa no tabata tin mag di ta presente durante tratamento di e caso, mirando cu ta trata di un menor di edad. Informacion compila na e sitio, ta indica cu e E.T.S, procedente di Jamaica, tin problemanan mental, y tin chance cu e por wordo declara cu e no por para responsabel pa su hechonan. Tin tur indicacion cu e mayornan di e menor, lo bay afo cun’e asina cu e caba di sinta su castigo aki na Aruba.

E caso lo sigui dia 22 di September proximo.