Un keho diahuebs mainta a keda entrega na recherche unda den e seccion cu pueblo ta papia y duna nan comentario, e presentado di e programa lo a laga un señora bay den aire y esaki a bay for di man papiando di lo likida e Prome Minister y pasa un bala den su celebro y mas palabra menciona di morto.
Den e grabacion por scucha cu e yamada no a keda corta ora cu e oyente a expresa e palabranan, mientras ora otro oyente expresa otro palabranan, insulto bay for di sla, of papia algo malo di e partido cu e emisora ta apoya e presentado ta corta e yamada di biaha pero e biaha aki a laga e señora bay for di man den aire sin a haci caso. Ta conoci cu ultimo tempo e programanan aki unda pueblo ta comenta expresa nan disgusto ta bayendo for di man insulto, menasa na hende y mas.
Recherche ta investigando e caso pa sa kende ta e persona, y tur emisora cu tin un programa asina mester tin e programa warda por lo menos algun siman den sistema pa ora di un caso di investigacion cuminsa, y fuerte rumor ta papia cu esaki por costa cu e emisora 90 lo por bay for di Aire no ta desconoci pa cuanto dia y of lo haya un carta di aviso pisa, mandatario a manda carta pa e departamento di telecomunicacion DTZ pa e pasonan cu mester tuma.