Desde comienso di AZV, semper nan a recomenda pa ora cu e baby nace, inscirbi e baby mas pronto posibel na AZV. Sra. Solange Tchong, vocero di AZV ta splica.
Semper ta bon pa ora di haya baby, percura pa mas pronto posibel, y no mas tarda cu 30 dia pa inscribi e baby na AZV. Esaki tin di haber cu ora cu e nace, e no ta conoci den AZV. Ley ta stipula cu mester inscribi e baby na Censo y despues ta pasa inscribi’e na Censo. Pero tabata tin algun caso, no hopi, unda cu mayornan no a percura pa bin inscribi baby dentro di e 30 dia. Kico ta pasa e ora? E consecuencia ta cu e gastonan di e nacemento di e baby y tambe si e baby a bira malo, y a haya tratamento medico den e dianan despues di e nacemento, e gastonan ta bay cay ariba e encargo di e mayornan. E ta bira e gastonan di e mayornan. Si kier evita esaki, p’esey ta bin dilanti cu e informacion aki un biaha mas, cu por cierto tin un notificacion di esaki den e revista Pulso, edicion 36, unda ta recomenda e mayornan pa corda, cu unabes cu bo haya baby, mas lihe posibel, of manera cu bo a sali for di hospital, registra bo baby na AZV. Esaki mester ta dentro di 30 dia di e nacemento.
Asina e mayornan tin tur tempo pa inscripcion di e baby. Y AZV di su banda, ta percura pa tur e gastonan wordo pasa pa AZV. P’esey ta hopi importante pa e mayornan inscribi e baby mas lihe posibel. Documentonan necesario ora cu inscribi un baby na AZV, e ora ey, e acto di nacemento. Tambe ta importante pa e mayor, sea e mama of tata, bin cu cedula of passpoort valido. Y banda di esey, si e mucha ta reconoci, mas cu claro, e acta di reconocimento. Tin cierto stapnan cu mester tuma. Pero mas primordial ta cu asina e baby nace, inscribi’e mas lihe cu ta posibel (dentro di e 30 dianan despues di e nacemento).
NETWORK
AZV no tin netwerk cu Hospital. Ley tambe ta stipula cu cada inscripcion mester ta personal. Mas cu claro, den caso di un baby, ta tene cuenta cu ta tuma paar di dia, prome cu e baby ta cla pa sali for di hospital y pa e mama recupera di e parto. P’esey tin e 30 dianan cu tin di tempo pa registra na AZV. Y otro motibo primordial, bo kier pa e gastonan di nacemento di e baby wordo pasa pa AZV. Si e baby bira malo den e 30 dianan, e inscripcion ta retroactivo.
Importante di e dentro di 30 dia, ta cu e inscripcion ta retroactivo, dus toch ta mantene e fecha di nacemento di e mucha, como fecha di inscripcion na AZV.
INSCRIPCION
Preferiblemente un di e mayornan lo mester inscribi e mucha. Si esaki no ta e caso, e ora e mayornan por autorisa un di tres persona pa haci e inscripcion pa nan, segun Sra. Solange Tchong, vocero di AZV.