Central di Polis ta manda un patruya pa Dr. Horacio Oduber Hospital pa un intermediacion. Na nan yegada nan ta papia cu e persona encarga cu Accounts Receivable. E ta declara cu e hoben B.R.R.E. a wordo treci hospital cu ambulance for di Palm Island. E gastonan total di transportacion cu ambulance, checkeo medico tabata di 3821 florin, of 2134 dollar. E mayornan di e hobencito no kier paga e gastonan, ya cu nan a kere cu no mester a paga nada. Tambe nan a bisa cu nan lo no tin creditcard y tampoco placa cash pa paga e gastonan.
Según F., el a laga e mayornan firma un documento cu no a wordo yena completamente y no a wordo firma. Polisnan a papia cu e mayornan di e hobencito, BRLH en BLM. Nan a declara cu nan no tin suficiente placa pa paga e gastonan. Nan a sigui bisa cu nan a kere cu door di firma e documento cu nan lo ta obliga di paga e gastonan di hospital. Den presencia di e polisnan, F. a informa nan cu nan yiu a haya tratamento medico y cu nan tin e obligacion di cumpli cu esaki na un of otro manera. Despues di a papia basta largo cu e mayornan, nan a dicidi di paga 300 dollar pa cual el a haya un recibo. E personanan aki tampoco tabata tin identificacion cu nan. Polisnan a hiba e tata su hotel pa busca e paspoort di nan. Despues di a yena y firma e formularionan, mayornan a dicidi di bay cu nan yiu, esaki contra di recomendacionnan medico.
Centrale Post y Chef van Dienst a wordo poni na altura di esaki.