CHERTSEY, GRAN BRETAÑA- Un baby di mas o menos un aña diabierna a wordo laga na e salida di un parke di diversion, mientras cu e mayornan ta subi un atraccion den un parke Britanico. Un pareha preocupa a cuida di e baby, wardando e regreso di e mayornan. Perso esaki a dura largo.
Daniel Bevis di 22 aña a keda consterna ora cu el a wak e baby den su stroller, banda di un bari di sushi. E baby mucha muhe tabata drumi den su stroller. Su mayornan tabata desapareci. E ora el a dicidi di warda te ora un hende bin busca e baby, pero despues di 15 minuut, niun hende a bin reclama e criatura. E ora Daniel a dicidi di yama siguridad ya cu e no tabata por a warda mas.
E baby a wordo hiba Eerste Hulp. “Eynan e famia a bin busk’e porfin. Ora cu mi a wak nan, e mayornan cu tres otro mucha, y a confronta nan, nan no por a bisa nada”.
Segun Daniel tur hende por a bay cu e mucha. Pero segun miembronan di siguridad di e parke, esey ta pasa constantemente.
Den un comunicado, e famia ta bisa cu e yiu muhe di 11 aña a priminti di cuida di e baby. Polis a tuma contacto cu Departamento di Asuntonan Social pa laga haci un investigacion di e famia.
Fuente: www.thesun.com