Caracas, VENEZUELA- Riba solicitud di Ministerio Publico (MP) autoridadnan a detene Yoheglis Reinaldo Rivas Jaime (20) y un adolescente di 17 aña. Nan ta mayornan di e baby pero tambe e presunto responsabelnan di e morto di e criatura di 14 luna.
E victima a yega na e Centro Diagnostico Integral di e comunidad La Union, sin signonan vital dia 18 di Maart ultimo.
Den e audiencia di e presentacion, fiscalnan a acusa e hoben pa delito di homicidio y trato cruel continuo segun leynan estableci pa proteccion di menornan di edad.
Rivas Jaime ta keda deteni den e Centro Penitenciario de la Región Centroccidental Sargento David Viloria, ubica den e estado Lara.
Di otro banda, fiscal 116 di AMC, Julio Sierra a acusa e adolescente di e mesun cargonan cu e tata di e criatura y e lo keda encarcela den e Entidad de Atencion pa adolescente “Doctor José Gregorio Hernández”.