Matriarca Irma Soto de Salcedo a cumpli 90 aña: Skirbi pa Clyde Harms

0

Pa un persona yega edad di 90 aña ya ta un bendicion. Diasabra Sra. Irma, conoci como “Mama” pa tur su amigonan, a mustra cu e ta super-bendiciona. El a cumpli e edad sagrado aki ainda completamente lucido, coketa, den bon humor manera semper y gosando di bon salud. Cu su cabey plateado nechi peina e ta sigi mustra su beyesa di tempo cu tur yoncuman na Maracaibo tabatin bista riba dje.

“Mama” a nace na Maracaibo di tata Venezolano y mama di Otrabanda na Corsou y e ta hopi orguyoso di su antecedencia Hulandes cu fam Van der Dijs. E ta masha contento cu su unico yiu muher Veronica ta casa cu un Arubiano, Bobby Chemaly, y cu awor e ta comparti un poco tempo cu nan aki na Aruba. Un yiu homber di “Mama” ta biba na Houston, TX y e otro dosnan ta biba na Maracaibo.

Un di “Mama” su hobbynan ta su computer cu e ta uza pa mantene al coriente di tur loke ta pasando den mundo y pa mantene contacto cu su yiu y amiganan. E otro pasatempo di “Mama” ta novela. Como un novelera casi vicia, “Mama” ta wak hopi tur dia.

Un amante di tur bon keeshi, “Mama” su preferidonan ta Manchego Spaño, y Vincent di Hulanda. Na reunionnan familiar y cu amiganan, “Mama” ta gusta conta y scucha chiste, especialmente ora cu nan ta un poco risqué y de bes en cuando dal un whiskey on the rocks.

Mi ta uni mi mes cu su famia y decenas di amigo cu a manda felicitacion na “Mama” extendiendo un pabien di curason. ¡”Mama”, vamos por los cien!