Entrante di dialuna dia 26 di Maart 2017 Master Carlos Hernandez, Hall of Famer, campeon Open USA y CEO di www.mundotaekwondo.com ta cuminsa su training di Taekwondo na Tarcisius Kleuterschool na Brazil. Tur esnan cu ta interesa pa train hunto cu Master Carlos Hernandez ta bon bini na e Dojang di Brazil Taekwondo Stichting. Master Carlos Hernandez tabata duna e seleccion di Aruba training den pasado pero a bolbe Caracas bek pa asina concentra riba su website di www.mundotaekwondo.com cu ta cubri tur evento di Taekwondo rond mundo. Carlos Hernandez tin su mesun scol di Taekwondo na Caracas, Venezuela cu ta carga e nomber di CAR Taekwondo. Durante di e añanan 2011-2014 Aruba a participa cu varios atleta na e Open di Caracas.
Awor aki Carlos Hernandez lo duna e atletanan di Aruba training for di dialuna te cu diabierna na Brazil y diasabra lo train na Eagle Beach. Brazil Taekwondo Stichting ta contento di por a logra pa Carlos Hernandez por a traha tempo pa e atletanan di Aruba pa asina comparti su experiencianan di e mundo di Taekwondo cu nos atletanan di Aruba.
Henk Meijer lo sigui despues pa un siman prome cu e biahe pa Korea.