Si nos sigui manera cos ta bayendo na Aruba cu nos finansas, cos lo bira serio. P‘esey partido MAS a bay Hulanda pa sinta na mesa cu diferente persona pa trece nan punto di bista segun Holmo Henriquez.
E ta sigui splica cu e biahe aki tabata uno fructifero caminda cu tanto Hulanda a reconoce nan falta di responsabilidad den e asunto pa e maneho di pais Aruba, pero tambe nan a bay di acuerdo cu MAS pa asisti y coopera cu e partido pa drecha e asunto akinan na Aruba.
Door cu pa añanan largo, pa decadanan, Gobierno tras di Gobierno, tur a contribui na haci e debe di Aruba mas grandi y aki nos ta na un punto cu no por mas, pasobra si nos sigui asina aki, mirando cu ya caba e ta un caos financiero, nos por bay perde nos Status Aparte. Hulanda ta dispuesto pa coopera. MAS a entrega nan plan di maneho, nan plan economico y financiero y eynan nan a tuma hopi seriedad den esey, pasobra esey ta un plan realistico cu por bay dilanti cun’e, cu por trece y lo trece e mehoracion den nos maneho di pais, pero tambe trece mehoracion den nos finansas publico.
Si sigui den e rumbo aki, manera uc Henriquez a menciona, nos lo bay ta den un problema grandi. Locual cu a remarca riba dje, no ta haya cu CFT tabata efectivo suficiente.
Pa Henriquez, CAFT ta laga hopi di desea, door di no sali bisa e berdad si mira cu IMF ta bisa algo y CAFT ta bisa otro.
E ta splica cu un begroting cu mester a wordo trata algun aña atras y ta awor ta tratando e, nan ta hopi laat cu esey y no ta mustra seriedad den loke kier logra cu CFT.
Cu esey bisa, Henriquez ta convenci cu den nos aparato Gubernamental mes, tin e hermentnan necesario pa trece mehoracion den e maneho di nos pais, vooral den e maneho financiero, pero ta e Gobiernonan di pasado caba ta esunnan cu a depoderisa cada un di e departamentonan ey. For di 89 Centraal Accountants Dienst, a wordo depoderisa. Esey kiermen di no por eherce su trabao debidamente. Tin un Economische Zaken, cu pa añanan largo caba no ta funcionando, tin un Gobierno cu no ta haciendo caso ni di Algemene Rekenkamer, ni di Raad van Advies y ta pakico bo tin cu bin cu un otro instituto mas cu no ta sirbiendo e pueblo toch pa nada, segun Henriquez.
No ta eherciendo toch locual cu nan mester di haci. Esey tabata e keho tambe di MAS na Hulanda y eynan lo bay bin cambio riba nan.