Autoridadnan na Aruba a detene un Hulandes di 66 aña den un investigacion haci door di FIOS y polis riba labamento di placa, fraude fiscal, falsificacion di documento y posiblemente peticion falso pa un uitkering. E sospechoso lo wordo entrega na Hulanda. Tanto na Hulanda y na Aruba, mas di un miyon euro a wordo confisca.
E Hulandes di 66 aña ta doño di un compleho di apartamento na Aruba. Fuera di esey, e tin un cas na Hulanda. E apartamentonan y cas ta wordo gehuur. E sospechoso ta biba den un di e apartamentonan na Aruba na Nuñe. Ta sospecha cu e propiedad aki a wordo cumpra cu placa criminal y cu e placanan riba e manera ey ta wordo laba. Banda di esey ta sospecha cu e sospechoso a comete fraude fiscal y cu payslipnan falso a haci peticion pa un uitkering.
E sospechoso a wordo condena na 1994 pa trafico di droga. Corte a dun’e dos aña y mey castigo di prizon y un boet.
Beslag riba casonan valioso
Polis, FIOD y Ministerio Publico a tene un razzia riba dia 24 di Januari riba e compleho di Apartamento na Aruba. Durante e ristramento di e compleho di apartamento, a pone beslag riba e administracion. Tambe a pone beslag riba e ganashi di huur y e propiedad. E sospechoso ta deteni den su apartamento na Aruba y Hulanda a pidi autoridad Arubiano pa entreg’e.