VALENCIA, Spaña- Diasabra 569 migrante a wordo rescata dilanti costanan Spaño. Esaki ta bin 6 dia despues di e yegada di 630 persona cu tabata a bordo di e barco ‘Aquarius’ na Valencia.
Den e zona di e Estrecho di Gibraltar a wordo rescata 264 persona cu tabata a bordo di 16 embarcacion, segun Salvamento Maritimo, organismo dependiente di gobierno Spaño, a informa.
Otro 176 migrante a wordo yuda den Mediterraneo, entre e sur di Francia y norte di Marruecos, y 129 dilanti di e cosanan di e islanan di Gran Canaria, den Atlantico, segun e agencia AFP.
Segun e vocero di Salvamento Maritimo, e personanan rescata den su mayoria Africano, aunke tabata tin algun Asiatico mei mei di nan.
Diadomingo lo celebra un cumbre na Bruselas unda cu lo participa 16 pais, entre nan Italia, Francia, Alemania, Austria, Grecia, Malta y Spaña, pa trata e tema di e acogida di migrantenan.
Fuente: NTN24