INDIANAPOLIS, Indiana – Un total di 368 gimnasta di Merca tabata victima di abuso sexual di parti di entrenado y directivonan den e ultimo 20 añanan, e corant Indianapolis Star a señala diahuebs.
Segun e corant, cu a investiga durante nuebe luna, un centenar di adulto, entrenado y propietarionan di centro di formacion a wordo implica den casonan sexual. E victimanan, mita di e casonan tabata mucha y den gran mayoria muhe.
“Den mas di un dozijn di e casonan aki, e personanan cu a contacta cu e Federacion a keda decepciona pa nan contesta, y ni sikiera a ricibi algun tipo di respuesta,” e corant a señala.
E Federacion Mericano di disciplina a responde na e acusacionnan aki den un declaracion cu ta indica cu “nada tabata mas importante cu e proteccion di e deportistanan.”
“Ta indignante cu un persona por manipula un atleta hoben of un mucha di e manera aki,” e rotativo a agrega.
“Nos a pone en marcha programanan di formacion y nos lo bay sigui pa castiga e culpabelnan di tal comportacion, mientras cu ta coopera plenamente cu autoridad,” e Federacion Mericano a conclui.
E escandalo aki a tuma luga solamente algun siman despues cu a cuminsa cu un procedimento hudicial contra un ex dokter di e Federacion Mericano acusa di asalta sexual pa dos ex miembro di e ekipo di Merca.
Tambe nan a culp’e pa su incapacidad pa castiga e medico, Bela y Martha Karolyi, e entrenadornan Rumano, c a yuda gimnasia di Merca pa converti nan mes den un referencia mundial den e disciplina.
Fuente: RCN noticias