CARACAS, Venezuela – Mas di 300 caso di difteria a wordo registra, segun Observatorio Venezolano di Salud desde Maart di aña pasa caminda cu a conoce e prome caso di e enfermedad reemergente.
Pa e rason aki y debi na falta di informacion encuanto e enfermedad aki, e organisacion a hiba ayera un solicitud na Ministerio Publico pa e actividadnan di salud publico ta wordo atendi pa autoridadnan competente y a informa riba e mesun cosnan aki na e poblacion.
“Difteria ta un epidemia cu no a wordo atendi corectamente. Den e luna di Maart lo bay cumpli aña di e identificacion di e epidemia aki. E ta silencia, pero no controla. Tin hopi persona den un situacio di riesgo, no sa e factornan cu ta incidi den e enfermedad, no ta busca vacuna y no ta identifica precozmente e casonan sospechoso,” e dokter y ex minister pa Salud, Jose Feliz Oletta a splica.
E Galeno a señala cu den e pais mester di entre cuater y seis miyon di dosis di vacuna pa cubri e epidemia aki, esey ta sin conta cu e personal medico cu tambe mester wordo vacuna.
“Den e pais no a realisa un campaña di salud publico pa vacuna, ni pa informa e poblacion loke ta sosodiendo cu respecto na e enfermedad aki,” Oletta a splica.
Fuente: El Universal