Michoacan, MEXICO- Mas o menos 24 persona a muri kima diahuebs den un accidente horibel entre un bus y un truck di combustibel riba e caretera entre e estadonan Mexicano, Michoacán y Guerrero, segun autoridadnan.
E vocero di sigurida di e estado di Guerrero, Roberto Alvarez a informa den un comunicado cu e incidente a provoca morto di 24 persona y a herida 9 mas. Causa di e accidente ta bou di investigacion.
Asina mes, e saldi di e fayecidonan den un di e accidentenan di transporte mas grave di e ultimo añanan por bira mas pio. Asociacion di Bomberonan di Estado di Michoacan, trahando na e luga di e accidente a informa cu e restonan haya lo por pertenece na 29 persona.
Segun fuentenan, e bus tabata un bus di turismo y tabata transporta mas o menos 35 persona, segun informe nan ta originario di Morelia, capital di Michaocan. E truck tabata carga cu 40 mil liter di gasolin.