Un dia normal di trabou di minister ta yena cu varios actividad. Mayoria di biaha esaki nan ta reunionnan ehecutivo tanto den bestuurskantoor mes como tambe p’afo di bestuurskantoor. Un di e custumbernan cu minister mr. Drs. Arthur Dowers tin, ta di entre otro interactua cu personal di diferente departamento cu ta resorta bou di su cartera, pa di e forma e mes pone su mes debidamente na altura di loke ta biba mey mey di cada empleado. Pesey ora cu yega e momento importante pa cada empleado cu ta resorta bou di su cartera, esta pa nan recibi nan Landsbesluit di promocion, e titular encarga cu husticia, ta haci esaki cu un smile grandi riba su cara. Normalmente nunca mr. Drs. Dowers ta publica esaki. Motibo di esaki ta, pasobra e titular di husticia ta di opinion cu e ta un derecho cu cada empleado publico ta adkeri na momento cu nan ta cumpli cu tur e rekisitonan pa cu esaki. Pero, nos cu ta presencia e alegria cu su persona tin, na momento cu e ta firma esaki pa e empleadonan, ta tuma e atrevimiento pa haci esaki publico. E Landsbesluiten cu Minister Dowers a firma y otorga, tabata pa entre otro e personal di Cuerpo Policial, Ministerio Publico, B.O.V. y tambe K.I.A., pa menciona algun. Por ultimo cu e mesun atrevimiento y den nomber di Minister Dowers, nos kier a yama e mas di, 140 promocionadonan, pabien!