MEXICO CITY, Mexico – Autoridadnan Mexicano a eleva e victimanan mortal di e teremodo di 7.1 grado, na 119, ora cu esaki a sacudi diamars cu violencia e centro di e pais, mientras cu servicionan di emergencia tabata realisa labornan di rescate na hopi punto di e zonanan afecta.
E mortonan ta wordo registra den e estado di Morelos, epicentro di e sismo, na mexico, Puebla y e capital di e pais, cual hefe di Gobierno, Miguel Angel Mancera, a eleva na 30, e victimanan mortal y na 44 derumbe di edificio.
E ekiponan di emergencia ta esforsa pa rescata personanan atrapa den edificionan derumba den e Ciudad di Mexico, mey mey di un caos circulatorio cu ta dificulta e paso di ambulance, mientras cu hendenan tin miedo cu por produci temblornan nobo.
E sismo di magnitud 7,1 riba e escala habri di Richter, a provoca escenanan di panico den e di 32 aniversario di e poderoso teremoto cu a causa miles di morto na 1985 y apenas dos ora despues cu a train un simulacro di movimiento telurico den henter e pais.
“Scucha e alerta sismico y nos tur lo sali. E clientenan a sali cu nos y nos a cera e tienda y spera di sa kico a pasa,” Ruben, un empleado di e tienda Waldos a bisa Efe.
“Nan a saca nos riba caya, un bentana a cay, algun muraya a scheur. Mi a pidi permiso pa bay pa mi yiu, e tabata cu mi mama. E tin seis luna y ningun hende ta contesta na cas,” Fabiola, empleado di un empresa di siguridad a indica.
Aerolinea Aeromexico a anuncia cancelacion di tur su vuelonan for di aeropuerto Benito Juarez di e capital, mientras cu nan ta revisa e instalacionnan pa motibo di siguridad.
E presidente Mexicano, Enrique Peña Nieto, a regresa e capital Mexicano, tras di e teremoto di magnitud 7,1 y a convoca e Comite Nacional di Emergencia pa evalua e situacion y coordina accion.
E epicentro di e teremoto, registra pa 1’or y 14 di merdia, a keda localisa riba e limitenan di e estadonan di Morelos y Puebla, na un profundidad di 57 kilometer.
E biaha aki e movimiento telurico a wordo sinti den e centro di Mexico cu mas forsa cu esun registra dia 7 di September ultimo, di magnitud di 8,2 riba escala di Richter, dado cu e epicentro tabata mas cercano.
E sismo di dia 7 di September, esun mas poderoso desde 1932, den e pais, a laga 98 morto den e parti zuid di e pais: 78 na Oaxaca, 16 na Chiapas y 4 na Tabasco.
Fuente: www.efe.com