Marriott Vacation Club ta contento di por anuncia cu Ligenne Trimon a keda promovi pa Director di Proyecto, Operacion di Benta y Mercadeo, pa Marriott Vacation Club Aruba. Den su rol nobo, Trimon lo ta responsabel pa e desaroyo y maneho diario di e esfuersonan di benta y mercadeo pa e compania su dos resortnan na Aruba.
Ligenne Trimon ta reemplasa Bettina Gonzalez, kende a keda promovi pa un rol nobo cu Marriott Vacation Club na Miami, Fla. como Area Director di Proyecto pa Marriott Vacation Club Pulse, South Beach y Marriott Villas na Doral.
Un yiu di tera, Ligenne Trimon a cuminsa su carera cu Marriott na 2000 como un supervisor di mercadeo na Marriott Aruba Ocean Club. Na 2006, el a keda promovi pa Gerente Senior di Mercadeo na Marriott Aruba Surf Club, sigui pa rolnan di mercadeo na e compania su resortnan situa na St. Kitts y Ft. Lauderdale. Na 2010, Trimon a regresa pa Marriott Vacation Club su resortnan na Aruba como Gerente Senior di Mercadeo y el a keda promovi pa Director di Mercadeo na 2014.
Ligenne Trimon a wordo nombra como Gerente di Cuartal shete biaha y Gerente di Aña dos biaha. Tambe e la ricibi e Premio di Excelencia na 2012.