Sr. Marlon Sneek, di fraccion di AVP a tene un reunion cu Camara di Comercio y e ta splica mas over di e reunion aki, caminda a yega na cierto palabracionnan.
Ta hopi importante pa Parlamento y sigur pa e fraccion di AVP, pa tin contacto frecuenta pa loke ta Camara di Comercio pa tin un bista di loke ta come y biba den loke ta comerciantenan, y sigur con por haci cambionan den economia. Ta danki na Comercio cu economia ta haya enrekisimento. Y con Parlamento por aporta na esaki.
Sr. Sneek ta splica cu diferente punto a wordo combersa, y sigur a yega na acuerdonan concreto, caminda lo traha ariba cierto cambionan pa por garantisa den stabilidad di comercio y e posibilidad pa sigui expande, pa duna oportunidad na comerciantennan nobo. Con pa crea e posibilidadnan aki, con pa habri negoshi habri mas facil. Den presentacionnan cu e fraccion di AVP a haya, ta mustra cu por haci esakinan hopi mas simpel. Y esaki ta puntonan cu lo wordo treci den un rapport y trece na conocemento di gobierno. Lo mira sit a di parti Parlamento of di gobierno lo bin cu cambionan di leynan existente, pa garantisa un fluho mas facil pa un comerciante por haci su negoshi ariba nos isla.
Esey tabata un di e puntonan, como tambe siguridad. A atende CITGO, situacion di Caya Grandi, negoshinan cu ta den Caya Grandi, of esunnan cu ta cerando. Negoshi nobonan cu por bin den Caya Grandi, kico lo ta e incentivonan ideal cu lo por incentiva movecion den Caya Grandi, cual ta algo cu tur hende ta desea.
Lider di Fraccion di AVP den Parlamento, Sr. Marlon Sneek, a sigui splica cu mester corda con e concepto di Caya Grandi a bin den otro, Camara di Comercio a priminti cu nan lo papia cu nan miembronan, cu ta doño di negoshi of edificionan den Caya Grandi, pa wak con di nan banda, haci e cambionan cu mester wordo haci pa un miho comercio den Caya Grandi.
Ta diferente puntonan cu a bay ariba dje, y un di e puntonan cu lo trece dilanti ta un banco comercial. Pa e comerciantenan no tin un banco cu lo kier yud’e cu lo basico pa cuminsa cu su negoshi. Den pasado tabata tin hendenan cu tabata tin dificultad pa paga un cas, paso banco no por a financia e persona completo, pa motibo di e zona di risico. Antes tabata tin e fondo pa Vivienda, pa yuda e ciudadano cu kier traha su cas. Y lo bolbe bek na esaki, segun Sr. Sneek.
Aruba Investment Bank a start como un banco pa negoshinan mas chikito. Pero durante añanan el a evoluciona y el a coy un otro rumbo. Ta busca capitalnan pa proyectonan mas grandi. Sr. Sneek ta kere cu e puntonan ey lo haya atencion di tanto di Camara di Comercio y di Parlamento.
Gabinete Mike Eman II a pasa e ley di growth fund, y Sr. Sneek ta kere cu mester duna un incentivo na tipo di movecionnan aki. Gobierno su aporte na esaki a pone un edificio, y growth fund mester a m . Tin diferente seguro na Aruba y nan por uza cierto porcentahe cu nan por hinca den tipo di actividadnan aki.
Di parti di Parlamento lo un tin otro encuentro asina, pero tin cierto huiswerknan cu mester wordo haci, y mester yuda Camara di Comercio pa nan, na nan turno yuda nan miembronan pa yega nan situacionnan stabil, y un comercio stabil pa pais Aruba, ta un comercio stabil pa nos tur.