Marlon Croes, director di DOW a splica pa loke ta e tema di vehiculo pa traha den un proyecto manera Watty Vos Boulevard, ta rekeri ekiponan pisa pa por brinda e servicionan cu ta necesario.
E ta splica cu por mira cu tin Heavy Equipment cu ta un verzamelnaam. Eynan ta categorisa “werktuigen” y “voertuigen”, un truck di 20 yarda, ta un “voertuig” pa transporta material. Un “werktuig” ta un ekipo, un herment grandi cu bo ta haci trabao grandi cun’e, un excavator, un bachoe, un bulldozer. Esey ta un diferencia di dje. A palabra cu e truckdrivernan, cu e werktuigennan ta sali y e voertuigen, den forma di truck y watertanks, ta keda te ora cu e cosnan wordo regla.
Croes ta sigui splica cu akinan tin dos compania distinto cu ta laborando. Esun cu ta traha riba Green Corridor, cual ta Odinsa, y Mota-Engil, cu ta trahando riba Watty Vos Boulevard. Green Corridor ta relativamente mas chikito cu Watty Vos boulevard, cu ta bay rekeri un otro approach. Banda cu tin Green Corridor ta coriendo, e ta demanda hopi ekipo cu tin na Aruba. Ora cu Mota tin cu bay traha, esey ta nifica cu e ta bay analisa e mercado. E ta wak e grandinan prome, den e caso aki AES, Thiel, etc., cu tambe ta lease ekipo na Green Corridor. E mester di bulldozer, pero e bulldozer a kibra, pero tur e otronan ta comprometi riba Green Corridor. Como e ta start despues di Green Corridor, e tin cu wak pa su proyecto sigui cana y ta busca cierto ekiponan cu e tin di importa pa garantisa e trabao cu e tin cu caba aki 24 luna. Pero e ta uz’e como backup, si ta necesario, pasobra e ta prefera pa uza localnan prome.
Ora cu a cuminsa cu e proyecto, durante di e proceso di destaho, kier haci uzo di nos capacidad local, kier aumenta nos nivel di trabao y tambe e habilidadnan na Aruba. Pa bin na remarca pa haya e trabao tin cu demostra den bo business plan con hopi di bo hendenan local ta bay uza. Kico Aruba ta gana cu e proyecto tambe. Den esey Mota a bisa cu lo bay uza tanto local, etc. y lo bin cu tanto ekipo limita di afo, pa por garantisa e proceso di entrega e trabao aki 24 luna. E combinacion eynan e ta traha cun’e. Cu e protesta ta hustifica, segun Croes, tur protesta ta hustifica, pero pa falta di informacion debido, na tempo, esey a sosode.