Minister di Finansa, Asuntonan Economico y Cultura a ricibi na su bureau diabierna ultimo señora Rhoda Marlene Lampe di Departamento di Cultura kende a cumpli 40 aña den servicio di Gobierno di Aruba. Den presencia di famia y colega Minister Ruiz-Maduro a gradici Marlene pa su dedicacion y lealtad na Pais Aruba. Tabata un rato hopi ameno caminda Marlene a comparti parti di su experiencia laborando pa 40 aña na Departamento di Cultura.