Maritza Maduro, kende a cuminsa 30 aña pasa den prensa, a splica con e tempo ey tabata compara cu awendia, caminda cu tur cos ta diferente.
Maritza a cuminsa dia 13 di Juli, 1986 y no a conoce modernismo cu tin awendia den prensa, cu tur tecnologia moderno.
E ta corda tempo cu el a cuminsa tabata traha ora di type, cu composer y pa saca potret tabata camaranan manual, cual mayoria tabata y preto cu blanco.
Tin cu bisa cu e ta hopi afortuna pasobra el a pasa den tur e periodo cu e cambionan cu tabata tin, tanto den fotografia como den e parti di skirbimento. Si antes tabata uza e camaranan di potret black and white, cu tin cu gradici Leo tambe cu a siña Maritza laba potret na Bon Dia Aruba, despues el a pasa pa uzo di slides cu tambe a siña, tambe via Leo. Despues a pasa pa era moderno cu ta Digital. E ta contento pasobra cu awendia hopi di esnan hoben, nunca a conoce e parti di historia ey den fotografia. E ta hacibo cu bo ta siña aprecia mas e arte di fotografia cu a uza, Maduro a splica.