Biaha tras di biaha, Parlamento y den e caso aki Oposicion, hopi biaha ta pidi informacion, ta pidi reunion of ta pidi informacion of ta pidi pa Minister bin, hopi biaha nan no tin e prioridad pa bin Parlamento pa splica pueblo, segun Marisol Lopez-Tromp, kende awor aki ta figura riba e lista politico di Partido POR.
Den su disertacion durante un conferencia di prensa cu a tuma luga awe mainta, e Parlamentario ta splica cu ta lubida ken a pone nan caminda nan ta awe. Ken ta esnan cu a vota pa e Parlamentarionan pa nan tey y eherce nan funcion, no obstante cu nan ta Minister, Parlamentario, ta presidente, ta miembro di e partido, etc.
Segun Lopez-Tromp, e parti di participacionta un base importante pa yega na e programa di gobernacion y pa asina tambe realmente cumpli cun’e como debe ser.
El a sigui bisa cu tin awor aki 7 luna, faltando pa eleccion, probablemente ta bay ta, dia 22 di September proximo. Ora presenta un problema den comunidad cu tur awendia sa cu e ta un reto, cu e ta un problema, no ta resolve como prome minister, of como gobernante, door di ta ausente. Bo no ta resolve door di keda sin coordina cu bo diferente ministernan y cu parlamento. No ta resolve door di solamente pega bo bombiyo di luz, of den e caso aki, pone un klinker, esey no ta resolve e problemanan aki. E ta mucho mas profundo y segun Lopez-Tromp y como politiconan, tin nan experencia y sa cu como gobernante of como parlamentario, tin biaha ta logra cosnan y tin biaha no ta logr’e manera bo kier.
Pero mester tin e honrades, e honestidad pa admiti e sinceridad pa bisa cu esaki ta trahando riba dje y mester haci mas pa logr’e y no pretende cu tur cos ta bon bao di un capa falso, den e caso aki di propaganda of publicacionnan cu no ta cuadra cu e realidad y poniendo asina aki nos comunidad den incertidumbre, preocupa pasobra problemanan ta yega den nan mes cas y nan ta sinti’e. No por gaña un comunidad riba e puntonan aki.
En particular a mira leynan cu ta un prioridad pa nos comunidad. Pa menciona uno ta ley di medio ambiente, cu mester ta un prioridad. Ta wordo laga un banda, pasobra tin otro prioridadnan pa wordo atendi, pero ta bisa pafo si por ehempel cu ta contando paharito, ta biaha bay afo pa check topiconan asina. Pero e realidad no ta asina. Lopez-Tromp ta trece como ehempel, aunke e ta zona pret, pero realidad ta cu e nan no ta wordo atendi.