BEIRUT, Libanon – Marine Le Pen, candidato di extrema derecha na e eleccion presidencial di Francia, a nenga di pone e lenso pa reuni cu e mufti di e Republica di Libanon na Beirut.
Na yegada di e presidente di Frende Nacional (FN) diamars mainta pa entrevista cu e sjeik Abdelatif Derian den e oficinanan di Aicha Bakkar, nan a ofrece un lenso.
“E autoridad Sunita mas halto di mundo no tabata tin e exigencia aki, door di no a haya no tin ningun rason pa… Pero no ta importa, transmiti na e gran mufti mi consideracion, pero mi no lo bisti un lenso,” Le Pen a bisa, kende a bandona e luga di inmediato.
E presidente di FN a aludi su bishita na Mei di 2015 na Egipto, unda el a reuni cu Ahmed al-Tayeb, e gran iman di Al Azhar na El Cairo, e principal institucion teologico den e mundo Islam Sunita.
“Ayera mi a indica cu mi no lo pone un lenso. Nan no a anula e cita. Mi a kere cu pa tando cu nan lo acepta cu mi no lo pone un lenso. Nan a purba di impone esaki, ponemi dilanti un hecho consuma, pero ami no,” Le Pen a bisa e periodistanan.
E titulo di Mufti ta wordo otorga na e interprete di e ley Sharia of Ley Islamico. Den algun republica Islamico Mufti ta e mayor autoridad legal den e pais.
Fuente: http://www.elpais.com.uy