E barco marino Zr.Ms. Van Speijk diadomingo 31 di December a intercepta 1600 kilo di cocaina. E droga tabata scondi a bordo di e barco comercial cu tabata nabega bou bandera di Tanzani, bayendo Republica Dominicana. Esaki ta e di dos cargamento di droga intercepta den 2 siman di tempo. Riba 22 di December Van Speijk a detene un go-fast cu 550 kilo di cocaina a bordo.
E helicopter NH -90 di Marina Real a bordo di e Van Speijk a descubri e barco sospechoso aki riba prome dia di Pasco. Zr. Ms. van Speijk a vigila e barco aki henter anochi pa e siguiente dia Warda Costa Mericano, e asina yama Law Enforcement Detachment a subi a bordo di e barco aki. A haci un inspeccion riguroso a bordo, pero no a haya nada. Pero den den un consulta cu autoridadnan a dicidi di aga e barco mara na Santo Domingo y pa despues haci un di dos inspeccion. Esaki a tuma luga ariba e ultimo dia di aña caminda e LEDET team a bin descubri e pakinan di cocaine cu tabata scondi den un espacio entre tankinan di oxigeno. E barco, droga y tripulacion a wordo entrega na autoridadnan Dominicano.
Actualmente Zr. Ms. Van Speijk ta nabega como station di barco den Lama Caribe. Adwmas di presentación maritimo, su tarea di mas grandi ta pa brinda ayudo durante y despues di desastrenan laga atras door di un horcan y ehecucion di operacionnan anti droga. Pa esaki e bargo ta wordo uza den operacionnan anti droga tanto door di Warda Costa di Caribe Hulandes como tambe operacionnan anti droga di e Joint Interagency Task Force South. E comandante di armada den Caribe Hulandes, general Peter Jan de Vin, ta na mando di un di e task group di e organisacion.