MIAMI, Florida – E tormenta tropical Maria mas laat den diadomingo lo converti den horcan, mientras cu e ta avansa riba e Antianan Menor, unda cu a emiti advertencia pa varios isla Caribeño, e Centro Nacional di Horcan (CNH) di Merca a indica.
Algun di e islanan aki a wordo devasta pa e paso di horcan Irma, na inicio di e luna aki.
Pa 12’or di merdia diadomingo, Maria tabata ubica oost-zuidoost di e islanan di Antianan Menor y a presenta bientonan maximo sosteni di 104 kilometer pa ora, CNH a bisa.
“Ta premita un fortalecimento durante e proximo 48 oranan,” meteorologonan Mericano a bisa.
Pa dialuna anochi of diamars, ta spera condicionnan di horcan na Antigua y Barbuda, St. Christopher y Nevis, Montserrat, Guadalupe, Dominica, St. Eustatius, St. Maarten, St. Bartholome y Anguila, di acuerdo cu CNH.
Dialuna ta premira condicionnan di tormenta tropical den e areanan aki y ademas na Sint Lucia, Martinique, Barbados, St. Vincent y Grenadines.
Fuente: www.reuters.com