Adultonan di edad mediano cu ta marea ora cu nan lanta for di soño debi na un bahada temporal di presion, por ta den un riesgo mas halto di demencia ora cu nan ta mas grandi, segun un investigacion nobo. E episodionan aki di un hipotension repentino (yama hipotension ortostatico) por produci dañonan permanente debi na e reduccion di e fluho di sanger den e celebro, segun e investigadonan di e Facultad Bloomberg di Salud Publico di e Universidad di Johns Hopkins.
Pa realisa e estudio, investigadornan a analisa e datonan di mas di 11500 adulto, cu un edad promedio di 54 aña, na esnan cu a sigui durante 20 aña of mas.
Personanan cu a presenta hipotension ortostatico na comienso tabata tin un 40 porciento mas di probabilidad di desaroya demencia cu e otronan. Tambe tabata tin un riesgo un 15 por ciento mas halto di deterioro cognitivo (mental), e hayasgonan a demostra.
Pero e estudio no a proba un relacion casual.
“Aunke e episodionan aki ta efimero, por tin un impacto duradero,” lider di estudio, Andrea Rawlings, investigador posdoctoral den e departamento di epidemiologia den e Facultad Bloomberg, a comenta den un comunicado di prensa di Hopkins. “Ta trata di un hayasgo significativo y nos mester compronde miho kico ta pasando,” Rawlings a añadi.
No sa si e hipotension ortostatico ta un señal di otro enfermedad subyacente of si e bahada di presion di sanger riba su mes, ta causa di e bahada cognitivo, investigadornan a indica.
“Identifica e factornan di riesgo di e declive cognitivo y demencia ta importante pa compronde e progresion di e enfermedad y por identifica personanan cu tin e mayor riesgo ta duna nos strategianan posibel di prevencion y intervencion,” Rawlings a bisa. “Ta un di e factornan riba cual merece pa wordo investiga mas.”
Hayasgonan a presenta diabierna den e reunion di e Asociacion Mericano di Curason (American Heart Association) na Portland, Oregon. E hayasgonan a wordo considera preliminar te ora cu e wordo publica den un revista revisa pa profesionalnan.
Demencia ta afecta rond di entre 4 pa 5 miyon Mericano. Ta spera cu e cifra aki aumenta a medida cu e poblacion enbehece, autornan di e estudio a indica.
Fuente: Health Day