Durante un conferencia di prensa convoca di parti di Gobierno, relaciona cu e ultimo desaroyonan di tempo. Director di Servicio Meteorologico, Marck Oduber, a duna un update cu e tempo ta ubica 2000 kilometer Oost di Aruba, entre Caribe y Africa ainda. E ultimo indicacionnan ta mustra cu a kere prome cu ora e avion di Centro di Horcan a bula aden, pero el a bula hopi den dje y no a haya ningun centro den circulacion. Algun areanan tabata tin biento di tormenta tropical, pero esey no ta nifica cu e lo bira un tormenta tropical. Ta te ora cu haya un centro di circulacion defini e ora e lo ta un depresion tropical of tormenta tropical. El a keda manera e ta un ola tropical fuerte. Indicacion di modelonan haci ta indica cu paulatinamente, manera cu e ola tropical aki, moviendo ruta west, noordwest, por haya tiki mas forsa y desaroya. E indicacion ta cu si e modelonan ta bastante bon, of esun cu ta haciendo uzo di dje bao di NHC ta duna bon indicacion, si e desaroya y haya un centro di circulacion, e ora e centro di circulacion aki, lo ta mas of menos 150 pa 200 kilometer nort di Aruba, diahuebs laat, pa diabierna. Cu esaki ta nifica cu mientras tanto cu lo por ta ainda un ola tropical, ta coriendo su ruta west. Si e desaroya, e ora e por trece awasero pa nos, cuminsando mas den diahuebs y tambe paulatinamente por haya cu biento por bolter y e lama tambe, den e periodo di diahuebs, te cu diadomingo.
Despues di diadomingo por haya cu e biento ta bira bek mas oost y lama mester di sigui un tiki di cerca pa wak si esey ta drechando si of no. Den corto ta mantene e ora cu e pronostico ta indica cu si e situacion di e tempo aki desaroya y bin den nos vecindario, pa diahuebs y e resto di fin di siman, por haya algun awasero. Localmente awasero por cay tiki pisa y por causa inundacion den tempo corto den algun bario na Aruba y despues riolering lo chupa awa y mande pa lama. Lama si ta mustra te ainda cu e por bira tiki bruto, specialmente hasta na e costa west, unda cu normalmente ta protegi. Tambe e biento por bolter y ora biento bolter, mirando e forsa cu e ta proyecta, e no ta mustra un forsa asina fuerte cu ta wak un problema grandi, pasobra Aruba ta conoci cu biento fuerte, simplemente oost of noordoost. Solamente awo e ta bolter pa e bira zuid bira un tiki west, pero e forsa ta manera cu nos ta haya hopi biaha caba. Nos casnan ta traha pa soporta tipo di bientonan aki. Lama so por bira tiki fastioso, cual ta unico problema ora di haya cu biento bolter y tambe resake cu ta bin di diferente direccion.
Servicio Meteorologico manera indica, tabata den contacto cu diferente servicio rond den region, pa coordina cu diferente instancia den regio y tambe tabata coordina cu KNMI, cu diferente modelo atmosferico y tambe mainta a tuma contacto cu Hurricane Center, como tambe parti atardi. Prome cu a traha boletin di prensa y djey a emiti a boletin di prensa pa bay pa e miembronan di prensa. Separadamente di e boletinnan di tempo cu ta saca relaciona cu e sistema aki, claramente cu e pronosticonan di tempo di Servicio Meteorologico semper ta sigui e ruta normal. Nan ta riba e webpage, nan ta wordo manda via email y si mester saca un advisory pa lama bruto of tempestad di corto tempo pa Aruba, eseynan tambe ta bay via e canalnan normal di advertencia.
Si e tempo aki ta pasando den nos vecindario, e no a desaroya su mes, ta keda un ola tropical fuerte cu ta causa awasero pisa y por causa cu biento ta bolter. E ora ta emiti un boletin special, si en caso cu lama bira bruto, ta emiti un boletin pa botonan, y si tin cu awasero pisa cu lamper y strena cu por ta problema grandi cu por ta mas di loke ta wordo concipia, e ora ta saca un advertencia pa esey tambe.
Relata cu e sistema actualmente ta sigui manera cu e situacion, cu dos biaha pa dia ta saca un boletin informando riba e sistema aki. Si ta necesario ta saca mas. Al caso actualmente no tin motibo pa saca mas. No por keda saca tampoco mas pasobra ta cada tanto rato e modelonan ta core. Ta ripiti ta keda ripiti akinan. E no ta make sense e ora.
E proximo update lo ta 11’or y mey di diaranson mainta. Pero si tin un cambio radical, y si ta necesario, e ora lo saca un boletin extra relaciona cu e sistema. Esey ta full apart di e boletinnan normal cu ta wordo saca tur dia, segun Oduber.