BUENOS AIRES, Argentina- Faltando poco dia pa parlamento defini si ta aproba of no e ley di interupcion boluntario di embarazo, den varios punto di e pais tin manifestacionnan na fabor “di tur dos bida”.
Dia 8 di augustus parlamento Argentino lo defini si nan ta aproba of no e ley di interupcion boluntario di embarazo. Den e contexto aki diasabra varios grupo cu ta opone nan mes na e legalisacion di abortus lo marcha den henter e pais.
Bou di e lema “Laga nos salba e dos bidanan”y cu lensonan blauw cu ta representa e sector aki ‘Iglesianan Evangelico lo concentra den e Obelisco di Ciudad di Buenos Aires. E convocatorio a surgi di e encuentro di representantenan evangelista di dia 5 di juli di e Iglesia Vision di Futuro. Eynan nan a elabora un documento contra di ley.
E texto ta bisa cu “salud publico tin cu haya contestanan cu ta cuida y proteha e mama y e baby cu ainda mester nace, defendiendo e bida di ambos”. Y ademas, nan a expresa cu su posicion “riba ki ora bida ta cuminsa” ta basa ariba “fundamentonan cientifico, racional y etico, siendo e balor supremo di bida, desde e concepcion, te cu su morto natural”.