BRASILIA, Brazil- Manifestantenan rabia na Brasilia a cuminsa un candela den e Ministerio di Agricultura, causando daño na varios otro edificio ministerial.
Segun autoridadnan local, alrededor di 35 mil persona ta manifestando den e capital.
Trupanan a wordo manda pa defende edifcionan gubernamental y tin un presencia policial basta pisa ariba caya.
E manifestantenan ta exigiendo e renuncia di Presidente Michel Temer, eleccionann nobo y pa e reformanan economico wordo retira.
Temer ta enfrentando alegacionnan nobo di corupcion den e ultimo siman y e presion pa su retiro ta birando grandi.
Informenan ta indica cu varios minister mester a wordo evacua pa motibo di e protestanan, pero no prome cu e oficina di ministerio di agricultura a sufri daño.
Manifestacionann organisa a cuminsa na manera pacifico den oranan di merdia, prome cu confrontacionnan cu polis a cuminsa.
Polis a tira balanan di rubber como tambe gasnan lacrimogeno ariba algun di e manifestantenan, y algun camara di siguridad a mustra algun miembro di e grupo ta kibra vitrina of di a cende candela den e asina yama bareranan.
Siman pasa, testimonionan publica door di e Corte Supremo di e pais a acusa Sr. Temer dia ricibi miyones di dollar den soborno desde 2010, for di un gigante di preparacion di carni.
Na su turno, Temer a promete di demostra su inocencia y di keda como presidente mientras cu e ta haci esaki.
Diasabra el a entrega un peticion pa stop cu e investigacion, pero el a retira esaki diamars.
Michel Temer a yega na poder aña pasa, despues cu su predecesor, Dilma Rousseff, a wordo destitui.