WASHINGTON, D.C., Merca- E protestanan ta un reaccion na e decision di president Mericano, Donald Trump, di propone e hues Kavanaugh pa forma parti di e Corte Supremo di Merca.
Cientos di manifestantenan a concentra dialuna atardi cerca di e edificio di e Corte Supremo di Merca, na Washington, pa mustra nan rechasa na e decision di e presidente di Merca, Donald Trumo, di nomina e hues Brett Kavanaugh pa e organo oficial aki, segun medionan local a informa.
E activistanan a expresa nan preocupacion pa e garantia di derechonan relaciona cu sanidad y specialmente abortus. Motibo ta cu si Kavanaugh bira miembro di e Corte Supremo, e caso Roe vs. Wade lo por wordo rechasa, ya cu dicho organo hudicial na 1973 a legalisa abortus na Merca.
Algun hora prome a bira conoci cu Trump lo a propone e hues conservador Kavanaugh pa Corte Supremo, na luga di e hues saliente Anthony Kennedy, cu na juni ultimo a anuncia su retiro di e organo hudicial.
Nancy Pelosi, líder di e minoria democrata den e Camara di Representante, a priminti di lucha contra di e proposicion presidencial sigurando cu e partido ta traha duro pa ‘venga di presidente Obama”, kende su proposicion pa Merrick Garland pa e Corte Supremo a wordo rechasa durante e proceso di confirmacion.
Kavanaugh, di 53 aña, tin diesdos aña trahando den e Court of Appeals di Merca, pa e distrito di Columbia. El a ocupa tambe e puesto di Secretaria di Tribunal Supremo bao di e mandato di hues Kennedy y a desempeña cargonan halto durante e mandato di George W. Bush.