Pa trece aclaracion riba diferente discusion den medionan di comunicacion relaciona cu e kioskonan cu no ta basa riba hecho. Ta informa di e vision pa cual a desaroya e kioskonan riba Welcome Plaza, cu ta forma parti di e vision pa eleva calidad di producto Aruba promoviendo nos cultura.
Minister anterior di Turismo y Cultura a duna publicamente informacion di e maneho cu ta enfoca riba eleva e producto turistico di Aruba. Conhuntamente cu partnernan cardinal den e sector turistico a tuma e decision por medio di plannan manera ‘two steps ahead’, e enfoke di San Nicolas como ciudad di herencia y cultura. Tambe e plan di maneho di e Ministerio pa hisa e calidad di producto Aruba, pa hacie un producto di calidad autentico. Enfocando riba autenticidad ta unda cu e stimulacion di sector cultural a tuma un rol central. Stimulacion di e sector cultural a tuma lugar den diferente forma den cual un di e formanan aki tabata pa promove e posicion di e artesano (comunica y publica desde 2013).
E maneho general y desaroyo di e Welcome Plaza tabatin di haber cu e elevacion di e producto turistico unda cu ta duna e turista crusero y otronan den e area e oportunidad pa conoce elementonan autentico di Aruba. Pesey e enfoke ta riba artesanonan y artistanan local cu ta contribui na e calidad di Aruba como producto turistico y nos economia. Pues considerando tur cos, e maneho ta uno basa riba salvaguardia e producto Aruba pa tin un economia prospero na bienestar di nos tur.