Den un comunicado emiti pa partidonan MAN, PAR, PNP y PS, nan ta informa di e siguiente deceision.
E lidernan politico di e partidonan MAN, Partido Alternativa Real (PAR), Partido Nashonal di Pueblo (PNP) y Pueblo Soberano, a evalua, cu e partidonan aki, hunto durante e ultimo eleccion di Staten di diaranson, dia 5 di October na Corsou, hunto a haya 12 asiento; cu e 12 asientonan aki ta un mayoria absoluto dentro di Staten di Corsou; cu e reparticion di asiento entre e partidonan ta como lo siguiente:
MAN: 12839 voto/4 asiento
PAR: 11949 voto/4 asiento
PNP: 7017 voto/2 asiento
PS: 5323 voto/2 asiento
Ta declara lo siguiente:
E partidonan MAN, PAR, PNP y PS ta declara cu nan ta dispuesto pa traha hunto pa e siguiente forma un coalicion pa e Gobierno di Corsou, pa e periodo di 2016-2020, basa riba transparencia, integridad, speransa y respet. E partidonan a declara cu nan no ta descarta cu e base di 12 asiento por bira mas amplio.
E carta a wordo firma pa e lidernan di partido di MAN, Hensley Koeiman, PAR, Zita Jesus-Leito, PNP, Humphrey Davelaar y PS, Jaime Cordoba.