REPUBLICA CHECA – Un bishita na un sauna a caba den un final tristo na Republica Checa. Un mama y su yiu muhe a fayece ora cu nan a drenta den un sauna y despues no por a sali bek. E man di e porta a kibra.
E dos muhenan, di 45 y 65 aña, a drenta hunto den e sauna. Ora cu nan kier a bin bek pafo, e man di porta a kibra di paden. Door di esey nan no por a habri e porta mas.
Kibra bentana
E muhenan a purba di kibra e bentana di e porta, pero esaki no tabata posibel. Posiblemente nan a fayece door di a stik y e exceso di calor. E doño di e sauna a haya curpa di e dos victimanan benta abao den e sauna. Polis ta haciendo un investigacion.
Fuente: RTL Nieuws