QUERETARO, Mexico – Den e estado Mexicano di Queretaro, un muhe di 34 aña di edad, yama Guadalupe a mata su yiu muhe di 14 y su yiu homber di seis. Despues di a corta nan garganta, el a manda potret di nan curpa sin bida pa su casa y despues el a suicida.
E asesinatonan a tuma luga diahuebs ultimo y segun e website Sin Embargo a informa, e anochi anterior, e muhe a discuti cu su casa via telefon, kende ta biba na Merca. Ora cu el a haya sa cu e homber a forma un otro famia, el a dicidi di comete e dobel crimen aki como venganza.
Guadalupe tabata biba tambe cu su mama, kende e mainta eynan a bay traha, motibo cual e no tabata presente na momento di e hecho. Tabata e casa kende a alerta autoridad di loke a pasa ora el a ricibi e potretnan.
Sin embargo, ora cu e agentenan di Polis Municipal y Proteccion Civil a yega na e luga, nan a haya cu tur e ocupantenan di e cas, ya a fayece. E curpanan a wordo hiba na Servicio Medico Forense pa haci autopsia.
E causa a keda na encargo di e fiscal Alejandro Echeverria Cornejo, kende ta busca pa haya mas informacion pa reconstrui detayadamente loke a sosode.
Fuente: https://actualidad.rt.com