CARRASQUERO, Venezuela – Funcionarionan di e Cuerpo Policial Bolivariano di e estado Zulia (Cpbez), nan a detene un muhe na Carrasquero, identifica como Ely del Carmen Pereira Moreno di 21 aña, despues di a wordo denuncia pa su mama di a causa tratonan inhumano y lesionnan na su nieta, un menor di tres aña.
E secretario di Siguridad y Orden Publico, comisario general Biagio Parisi, a informa cu e detencion di e mama agresor a keda registra den oranan di atardi diadomingo, den un vivienda di e sector Bello Monte di Carrasquero, parokia Luis De vicente, municipio Mara.
Parisi a splica cu Pereira a kima e mannan y boca di su yiu muhe chikito cu un cuchiu cayente, presuntamente como metodo di castigo pa e mucha, kende parce di ta wordo maltrata di manera recurente.
E menor a wordo hiba na e Centro di Diagnostico Integral di Carrasquero, unda cu e kemaduranan a wordo diagnostica na su boca superior y inferior y na ambos man. Ademas di hematoma na su pia y brasanan.
E muhe, una bes deteni na Carrasquero, a wordo hiba pa e sede di Centro di Coordinacion Policial Carrasquero, kedando na disposicion di Fiscalia 35 di e Ministerio Publico, competente den materia di mucha y adolescente.
Fuente: www.notifalcon.com