Diamars mainta, ta yega na warda di polis na San Nicolas e Sra. di fam B. Ela bin entrega denuncia contra di dos mucha homber alumno di Abraham de Veer MAVO. Segun e Sra. B., su yiu homber di 15 aña ta alumno di Abraham de Veer MAVO y cada biaha e ta wordo geter door di e dos mucha hombernan S. King y S. Pantophlet. E ta wordo menasa pa haci huiswerk pa nan y pa trece coi come pa nan durante orario di scol. Segun mama di e hoben, e dos mucha hombernan aki ta forma parti di un gang di Village y pa cual motibo su yiu tin miedo di nan. E no kier a bisa su mama nada. Pero e mama tabata haya straño cu su yiu semper ta su so y tambe door di e puntonan malo cu e ta haya na scol.
Agentenan policial a conseha e mama pa tuma contacto cu Jeugd en Zeden Politie. Directie di Abraham de Veer School ta na altura di e caso aki y nan mes a conseha e Sra . B pa entrega denuncia contra di e dos muchanan aki.