ATLANTA, Merca- Polis di Atlanta, Merca ta buscando mama di un mucha muhe di 4 aña, cu a bay laga su yiu na airport di Atlanta. El a pidi un pareha pa cuida su yiu tur esten e ta bay cumpra algun cos, pero e no a bin bek.
Segun polis, e muhe procedente di Maryland a core mas di mil km pa yega na Airport di Atlanta. Ora cu el a yega den oranan di anochi, el a pidi un pareha cu e no conoce, pa nan wak p’e mucha pe un rato. Despues di cinco ora e pareha a yama polis.
Motibo pa cual e mama ta bandona su yiu no ta conoci, pero polis ta haya e caso, uno preocupante. “Ken ta bay laga nan yiu di 4 aña cerca hende straño? Aunke cu ta pa bo bay shop, hende bon na tino no ta haci esaki”.
E mucha muhe di 4 aña ta keda cu polis te ora cu su famia na Maryland por cuida di dje. Polis a haci un yamado via Facebook.
Fuente: www.wthr.com