Central di Polis ta manda un patruya pa SETAR na Caya Betico Croes, unda cu lo tin tres mucha cera den auto. Na nan yegada polisnan ta topa cu un Hyunday Tucson (V-Wagen), cu tres mucha den dje. E auto tabata sendi y e airco tambe. Hunto cu e personal di siguridad a bay paden y ta papia cu mama di e muchanan, V.E. naci na Hulanda. E ta cu vakantie na Aruba. El a declara cu el a caba di yega for di Hulanda y cu el a bay cumpra un sim card pa e por tin comunicacion. pero esaki a dura mas di loke el a kere.
VE, hunto cu e oficialnan di polis a bay pafo, pa asina baha e muchanan for di auto y bay cu nan paden. Central di Polis a wordo poni na altura.