CIUDAD DE MEXICO, Mexico- Casi cuatro dia ta loke autoridadnan a tarda pa atende mama y tatanan di personanan desapareci. E mayornan tabata campando pafo di e oficina e e Secretaria di Gobernacion, den Ciudad di Mexico. E famianan a tuma e medida aki pa motibo di loke nan ta considera “oidonan sordo” di e autoridadnan Mexicano.
Al menos 40 mama di personana desapareci a cuminsa un welga di hamber dia 18 di Januari ultimo como un medida di presion pa logra atencion di parti di autoridadnan federal. Despues di varios dia di ayuno, algun di nan mester a wordo hospitalisa. Sin embargo, e campamento a keda te na fin di Januari.
Exigencia di e muhenan aki tabaca centra den e atraccion di e casonan di desaparicion di e orden federal y di un aplicación adecua di e ley cu ta proteha nan: E Ley General di Victimanan. Despues varios aña di lucha di parti di famianan pa e ley aki wordo aproba pa gobierno Mexicano, ainda tin hopi pa haci pa tin resultadonan concreto.
Norma Andrade, mama di un hoben asesina na Ciudad Juarez y solidario cu e causa di e famianan aki, a sigura cu un di e razonnan principal di e protesta ta “e negacion di parti di autoridadnan pa haci nan trabao. E comision Ehecutivo di Atencion na Victimanan a wordo crea pa esey, pa atende cu e victimanan y esaki ta wordo nenga na e famianan”.
Fuente: https://actualidad.rt.com