MADRID, Spaña- Hues a duna su aprobacion pa e libertad condicional di e hoben di 21 aña, cu a keda deteni un siman pasa acusa di a bandona su yiu di tres dia den e porta di un misa.
Segun e Tribunal Superior di Husticia di Madrid, e hoben di origen Uruguayo, ta wordo acusa di abandono di menor, aunke cu e calificacion penal lo por varia segun e investigacion correspondiente ta continua.
Como medida cuatelar, e magistrado a acorda di kita su passpoort y por lo tanto impone un prohibicion di sali for di e pais.
Polis Nacional a detene e muhe despues cu esaki a bandona su yiu muhe di apenas 3 dia ariba trapi di un misa Madrileño.
Un persona cu tabata cana den e zona un poco prome cu 9 or di anochi di diaranson a ripara e mucha y el avisa e personanan cu tabata den e parkoa, cu di biaha a bay pafo y a tapa e mucha cu paña di frieu pa proteha e criatura di e temperaturanan abao cu tabata registra den e horanan ey na Madrid.
Un vocero di Emergencia di Madrid a splica cu e baby tabata bisti, tabata tin un bon colo di cuero y bon temperatura. El a wordo atendi pa e personal di Prome Auxilo cu a wordo manda na e luga. Despues di haci un checkeo cu e criatura, a dicidi di traslada e mucha pa un centro pedriatico, pa e hospital di La Paz, caminda cu el a yega compaña di polis.
Despues di e investigacionnan inicial, polis a localisa e mama di e criatura cu a keda deteni na su cas, ora cu e tabata preparando su maletanan pa e huy for di e pais.
Fuente: https://es.noticias.yahoo.com