Un caso tristo y sigur lo shock e comunidad ta e sucedido cu a pasa diamars atardi na Sabana Basora mama ta yega cas y haya e yiu muhe di 14 aña ta purba pone fin na su bida usando un cabuya. E mama na grito ta bay na bisiña pidiendo ayudo y a drenta accion pa corta e cabuya.
Manera cu a informa ambulansnan hefe di Ambulans tabata cerca y a scucha e yamada bira y yega rapidamente pa brinda ayudo. A cuminsa cu reanimacion mientras mas ambulans tabata na caminda. Polis y recherche a yega na unda cu a topa cu e mayor y e yiu. Cu urgencia ambulans a bay cu e mucha muhe pa hospital pa atencion medico. Despues departamento forensico, recherche y polisnan a bay na e cas unda e caso a pasa. Mientras e mucha ta critico na hospital.
Den oranan di atardi dokter ta constata morto di e mucha muhe. Un caso tristo. Paz na su restonan y palabra di profundo condolencia na famia di e fayecido.