Maltrato bou di hobennan awendia ta hopi grandi. Mucha muhe ta maltrata mucha homber y mucha homber ta maltrata mucha muhe. Segun Sra. Monique Labad, di Wit Gele Kruis.
Den charlanan di Wit Gele Kruis, Sra. Labad no ta duna un presentacion, unda un persona ta papia. Ta laga e hobennan wak video di loke ta e consecuencianan, interactua cu nan. Mester midi unda nan conocemento ta, kico nan pensamento ta, con nan ta actua den cierto casonan. Y a base di esey ta bay actua. Sra. Labad ta duna tur informacion, unda cu nan ta wak un parti chikito di con e malesa ta presenta, mesora bo ta tende yen di reaccion di “vies”. Pero ora cu e hoben bay bebe bay droga, e informacion aki no ta keda den e celebro.
Awendia muchanan di 12, 13 aña cu no sa nada, no tin niun idea di kico e realidad ta di tene relacion sexual. Peer pressure ta halto. Mensahe mester yega cerca e mayornan, cu e mayor ta responsabel pa su yiu. Si e kier bay Carnaval, e mayor mester bay cun’e, pa e mayor wak cu su mesun wowo di kico tur tin na peliger eyfonan, segun Sra. Monique Labad, di Wit Gele Kruis.