Diabierna merdia deurwaarder a keda manda pa bay na Cilo restaurant situa den Renaissance Market Place. E mall a manda abogado y tanto deurwaarder pa asina tuma tur inventario loke tin den e luga despues cu e doñonan Latino a cera e luga prome cu pasco y bandona sin paga nan debe. E porta tabata gelock cu a pone cu a manda un compania pa bin habri e locknan.
Pa loke ta e trahadonan cu tabata traha na Cilo a keda sin trabou prome cu pasco unda e comerciante Venezonalo a informa e trahadonan cu no tin placa pa paga coriente y tin cu cera. Pero nunca mas a presenta na e mall y ni paga e debenan habri cu nan tin e espacio den e mall.
Nan ta e propetarionan cu a keda deteni na December 2016 pa ta indocumenta y ta haciendo negoshi, y a bin garanan cu supuesto documentonan cu no ta cuadra pa ta na Aruba. Mientras nan ta ser busca nan no a bandona Aruba, debi cu varios agencianan ta buscandonan pa debenan habri di mercancia cu a keda entrega na e luga. Awor e caso ta bou man di deurwaarder tur cos den e luga ta den beslag te ora cu nan bin haci e pagonan. E otro sosio cu a hinca placa y a keda cori ta buscando un solucion pa haya e luga bek y duna tur esnan cu a keda sin trabou, pa nan haya trabou bek y start e luga bek di nobo bou un otro maneho.