Malesanan transmiti sexualmente ta halto, pa cual Sra. Monique Labad di Wit Gele Kruis ta elabora.
Ta haya muchanan cu ta for di nan 12 aña cu tin un malesa sexualmente transmiti y unabes bo tin un malesa, esey kiermen cu bo no ta hiba un bida saludabel, ya cu cada biaha e tin cu bay pa control. E parti aki ta unda cu Wit Gele Kruis kier stress durante di e charlanan, naturalmente cu e ayudo di Dienst Besmettelijke ziektes, cu ta bay mas profundo den malesa.
Tin diferente motibo pa cual ta haya mucha muhe cu ta hopi jong, e.o. Di 12 pa 13 aña cui ta bay cu mucha homber di 18 aña. Pregunta con un mayor por permiti un relacion asina. E mucha homber loke e kier ta e acto sexual. E mucha muhe ta sali na estado y despues e mucho homber ta desapareci. Tabata tin un caso di un mucha muhe a haya un malesa, a tene relacion cun’e den grupo, despues di a haci e mucha muhe burachi. Y un di e mucha hombernan tabata tin un malesa.
Awo cu ta den temporada di Carnaval, bo no mester bebe burachi of droga pa pasa bon. No por bisa no uza alcohol, ya cu nan lo haci esey toch. Esaki no ta conta pa hobennan so, pero pa adultonan tambe. Keda na tino pa sa kico bo ta haci. Na momento cu bo bay tene relacion, corda ariba e uzo di anti conceptivo, pasobra mayan bo lanta cu’n malesa, e dia bo no por hay’e bek. Ora bo ta bou di influencia bo no ta mira e malesanan, vooral si ta trata di fret, cu ta hopi chikito, bo no ta wak’e ora di tene relacion. P’esey keda na tino pa bo mira y bo haya holo, ya cu tin malesanan cu ta activo cu tin un holo, cu di pafo bo ta haya e holo, segun Sra. Monique Labad, di Wit Gele Kruis.