Malesa di man, pia y boca (HFMD na ingles) ta conoci tambe como e Coxsackie virus ta un malesa hopi comun den baby y muchanan chikito (normalmente bou di 3 aña) cu ainda no tin inmunidad contra di e virus cu ta causa esaki.
SINTOMANAN
Su sintoma mas comun ta un exzeem cu no ta pica, di punta cora den e planta di man y di pia. Tambe e ta aparece na rudia, elleboog, chan chan of e area genital. Yaganan doloroso den boca ta cuminsa tambe cu puntanan cora.
Hopi biaha ta confundi e malesa di HFMD cu dolornan deriva di e dolornan ora e mucha ta saca djente, dolor di garganta of infeccion di orea.
Keintura, perdida di apetito y malestar, aunke hopi biaha, vooral adultonan, cu no ta haya e sintomanan. E sintomanan ta aparece segun etapa y no ta tur ta presenta tampoco.
Por lo general, e malesa no ta rekeri di tratamento specifico y simpelmente mester warda pa e virus sigui su curso.
Keintura y dolor por wordo controla cu remedinan pa cual no tin mester di receta, manera acetaminofen of ibuprofen. Ta importante pa duna e muchanan hopi likido. E asina yama ‘popsicles’ tambe por calma e dolor den boca.
Mayoria di mucha ta recupera den un plazo di 7 pa 10 dia. Den poco ocasion por tin complicacion manera neumonia, meningitis o encefalitis.
E riesgo di haya e malesa aki por wordo reduci cu un bon hygiena, manera laba man cu frecuenia y evita di mishi cu wowo, nanishi of boca.
E virus cu ta causa e malesa ta wordo transmiti via sunchi, ora di comparti glas, cuchara, forki, cuchiu, ora di niester of ora di tosa. Tambe ora di drenta den contacto cu superficienan contamina.
Su fase mas contagioso ta durante e prome siman. Unabes cu e keintura bay y e ta ausenta pa dos dia, ya caba e persona cu no por pasa e malesa pa otro hende, aunke tin hende cu ta sigui transmiti e malesa aunke ya nan no tin e sintomanan mas.
Si tin un hende malo den cas, desinfecta e superficienan y obhetonan cu ta wordo uza hopi, manera co’i hunga, man di porta y otronan.
Fuente: Univsi