CARACAS, Venezuela – E organisacion Red Defendamos la Epidemiologia, ta calcula cu e aña aki, e casonan di malaria den e pais lo amplia den gran cantidad, compara cu aña pasa.
Jose Felix Oletta, ex minister di Salud y miembro di e Red, ta splica cu aunke e cifranan no a wordo publica oficialmente aña pasa, a registra 242.976 caso cu un aumento di incidencia naiconal di 84%, ora compar’e cu un cierto cantidad di caso total di aña 2015.
E institucion a señala den un comunicado cu ta 16 estado cu ta presenta brotenan di e enfermedad aki y cu tin 95 municipio den cual ta existi transmision activo. “Esaki ta loke a confirma, e ampliacion di e area di malaria endemico ya cu den 20 aña, a aumenta den 93.8%, e cantidad di municipionan afecta.”
Ta revela cu segun datonan obteni den e prome lunanan di aña te cu e siman pasa, epidemilogia No 9 (cu ta coresponde na esun di dia 26 di Februari pa dia 4 di Maart di 2017, e cantidad di casonan nobo, autoctono, notifica, tabata di 61.737 caso: un aumento di 66.18%, comparando cu e lapso ekivalente di 2016 (n. 37.150 caso). E cantidad di casonan nobo, autoctono, den e siman epidemiologico no. 9, tabata di 4.748 caso.
Ademas, a identifica 345 caso importa, acumula te na e mesun fecha, proveniente principalmente di Guyana, Colombia y Brasil.
Estado Bolivar ta sigi ta e entidad cu mayor registro di casonan acumula cu 36.877, loke ta ekivale na 59.73% di e casonan nacional y 2.8 biaha mas di loke a sosode den e periodo similar di 2016.
Amazonas ta e otro estado caminda cu e casonan a sigui aumenta y a registra 10.853 casonan acumula (17.57%) di e casonan nacional y 2,74 viaha mas caso cu na 2016.
Tambe estado Sucre, a presenta un aceleracion hopi importante di e epidemia, cu 9.719 caso (15,74%) di e casonan nacional y un aumento alarmante di 4.37 biaha mas cu loke a wordo acumula pa e mesun fecha na 2016.
Delta Amacuro, ta ocupa e di cuatro luga, cu 1870 caso acumula, 3.02% di e total nacional y un aumento di 1,23 biaha mas cu aña pasa.
E Red ta urgi autoridadnan sanitario pa coordina nan respuestanan pa identifica, detecta y realisa siguimento di e casonan, accentua y mantene e esfuersonan pa alcansa e metanan di e Plan di Accion pa e Eliminacion di Malaria 2016-2020 y ta haci un yamado na e Gobierno nacional pa nan compronde malaria como problema prioritario di salud publico, mescos cu asigna regursonan suficiente pa combati e enfermedad y cumpra medicamento.
Fuente: El Universal