Tecnologia
Un investigacion nobo a demostra cu cualkier persona cu conocemento informatico por recopila datonan di gruponan di WhatsApp solamente door di uni na un chatgroup a traves di un link, segun Venture Beat.
Gruponan di WhatApp ta permiti pa add te cu 256 persona sin necesidad di recuri na un administrado central y si e miembronan nobo no identifica nan mes cu’n nomber, nan number ta aparece.
Kiran Garimella, di e Scol Politecnico di Lausannne, Suiza y Garethy Tyson, di e Universiad Reina Madre (London, Reino Uni), a recompila informacion di rond di mei miyon mensahe di 45.794 usuario di WhatsApp cu ta pertenece na 178 gruponan publico cu e metodo di identificacion durante un periodo di seis luna.
Di e manera aki, e specialistanan tabata tin acceso na numbernan di telefon, imagen, video y linknan cu e usuarionan a comparti sin realisa niun violacion di siguridad. E aplicacion ta warda tur e informacion encripta den e base di datonan local di cada dispositivo, pero tambe e ta warda eyden e code pa descrifra esaki.
Aunke e obhetivo di e experimento di Garimella y Tyson tabata pa determina con pa uza WhatsApp pa e investigacion den ciencia social, a demostra con facil e ta pa cualkier persona probecha di e plataforma. Den cualkier caso, ta solamente posibel pa accede na informacion publica den e grupo.
Fuente