KANSAS, Merca- Polis di e ciudad di Wichita, ubica den e estado di Kansas, a tira un hoben di 29 aña mata. Esaki a sosode ora cu nan a bay atende un asistencia riba informacion falso di un asesinato y caso di rehen den un vivienda. Ta ser sospecha cu e yamada a wordo ocasiona door di un pelea entre dos hungado di videogame, caminda cu un di nan a yama servicio di emergencia y a haci e denuncia falso, den forma di joke.
Segun FoxNews, un desconoci a yama 911 bisando cu el a tira su tata den cabes y cu e tabata tin su mama y su ruman homber menasa cu pistool. Ela menasa tambe di cende e vivienda na candela.
Polis a yega na e luga di e supuesto incidente y a wak Andrew Finch, di 28 aña kende nan a duna ordo pa lanta su mannan. E ora, un di e oficialnan a pensa, pa eror, cu e hoben lo a saca un pistool for di bou su paña y a tira ariba dje. Poco despues, Finch a fayece na hospital. Segun a wordo indica despues pa autoridadnan, e hoben no tabata arma.
E tragedia a wordo provoca pa un pleito entre dos hungado di videogame Call of Duty, despues di un wega online, den cual e victima no tabata tin niun relacion. Segun The Verge, un di e hungadonan presuntamente a duna un adres falso na otro, despues di cual esaki a yema servicio di emergencia y a raporta riba un supuesto situacion di violencia.
Polis di Wichita a bisa cu e ‘accionnan di un bromista’ a provoca un victima inocente”.
Fuente: https://actualidad.rt.com