Despues cu un lancha a yega nos isla diamars anochi laat unda por lo menos 17 persona ilegal a baha den lama y yega canto a tene un buskeda masal. Diaranson mainta e personal di kust surveillance a logra gara 7 persona den nan hende muhe. Nan a keda pasa over pa personalnan di Guarda nos Costa. E personanan aki tabata scondi den mondi na Seroe Colorado y algun riba caminda pa sali for di e area. Nan tabata warda un persona buscanan. Na warda di San Nicolas personalnan di guarda nos costa a busca e shete detenidonan.
Momento cu a capta movecion na canto
Tur cos a cuminsa ora cu un patruya di San Nicolas pasando a mira life vest riba tera y a scucha gritonan ta bin for di lama pa yudansa. Di biaha a bati alarma pa resfuerso policial yega. E momento cu esaki a pasa, ni e panter di kustwacht, ni e radar no a logra capta esaki y ni e kust surveillance tanto cu a bin cu cuatro jeep no tabata riba caya mes na e momento ey a core yamanan pa sali for di Santa Cruz.
Ta mustra cu e radar di Aruba ta manera pa pronk nan no ta ni interesa pa controla esaki segun bon fuente. Mientras for di bon fuente ta informa cu na Curacao si nan tin mil wowo riba e pantaya di radar pa capta botonan cu ta yega e isla cu ilegalnan y Aruba laga nan drenta numa.
Ta mustra cu tin un guerra frieu, y esaki ta keda desmotra poco poco. Ta polisnan di San Nicolas, Santa Cruz a drenta accion y asina polis di Santa Cruz a detene persona riba tera. Mientras trabou di kust surveillance su tarea ta pa controla costa pero a opta pa cera e entrada di Seroe Colorado core cu tur hende den mal manera, mientras cu pese’i tin patruyanan di caya pa usa e vehiculonan di patruyahe pa cera caya y usa e jeepnan cu ta menos capta pa haci e trabou di patruyahe e momento cu e personanan tabata core pa sconde pa autoridad. Ta mustra cu e maneho di e kust surveillance ta poco bruha di parti di Cuerpo Policial unda mester adapta mihor na tipo di accionnan aki ora cu ilegalnan subi tera via lama.